لشام الجريح !!

قصيدة بلا مقدمات لأن الواقع أبلغ من أي مقدمات !!


يذوب القلب وانياطه تقطّع من مآسي الشام
واهالي حمص والحوله جحيم الكفر يصليهم


ياربي يانصير البائس المغبون والمنضام
دخيلك ياعظيم الجاه تحفظهم وتاويهم


اهلنا في بلاد الشام طالتهم يد الظـلّام
وصواريخ البغي والجور ماترحم شكاويهم


طغى فيهم عدو الله وذبّحهم قصف واعدام
ياربي مالهم حيله ولا به شي فـ يديهم


تخلوا عنهم اخوان العقيدة من حوالي عام
وجنود الكفر بادوهم من اولهم لـ تاليهم


أخافوهم وابادوهم ومسّوا حوزة الاسلام
ياربي ورّنا يالله عجايب قدرتك فيهم


ابادوا كل من كبّر ومن صلّى الصلاة وصام
ولابه من يناصرهم ولابه من يواسيهم


ياربي احفظهم وأمّنهم من الخوف والأسقام
يارب احملهم وشبّعهم وسلٌم ذراريهم


ونج الشيب والأطفال والنسوان والايتام
ياربي رف بهم والطف بهم واهلك اعاديهم


يارب الكون لاترحم هل الظلم وهل الاجرام
ياربي زلزل الأرض السليبة تحت رجليهم


ياربي رحمتك باهل القبير وكل اهالي الشام
ياربي مالهم غيرك .. ياربي لا تخليهم